11 punëtore janë helmuar në një fabrikë këpucësh në Fushë-Krujë. Ata u paraqitën sot në urgjencën e qytetit ku po marrin trajtimin e nevojshëm.
Gratë dhe vajzat kanë pasur komplikacione si marrje mendsh, gjendje të fikëti. Punonjëset kanë deklaruar se gjatë orarit të punës në fabrikë, nuk janë ndier mirë.
Mjeku thotë se gjendja po stabilizohet, ndërsa ende nuk dihen shkaqet e helmimit masiv në fabrikë. Paraprakisht thuhet se nuk kanë punuar aspiratorët.
Mjeku i urgjencës në spitalin e Fushë-Krujës: “Në spitalin e Fushë-Krujës, rreth orës 8:45 janë paraqitur disa punëtore të një fabrike, të cilat na vijnë me gjendje të fikëti, me dhimbje epikastrale, mpirje duarsh, të dridhura duarsh dhe me dridhje trupi. Arsyen vajzat nuk dinin ta shpjegojnë. Bëhet fjalë për një ndërmarrje këpucësh, ku vajza kanë referuar se janë ndier të lodhur, me gjendje të fikëti dhe me shqetësimet e tjera. Ndërkohë që personali ka qenë në gatishmëri dhe janë trajtuar të gjithë me profezionin, teksamedazonin dhe me vitaminoterapi. Gjendja aktualisht është e mirë, nënkontroll. Janë lajmëruar institucionet përkatëse për të bërë verifikimin nga sa ka ardhur dhe presim rezultatet”.
