Kryesore

Unaza e Re/Fëmijët ndërpresin shkollën, bashkë me prindërit në protestë

               Publikuar në : 08:57 - 09/11/18 |
ri.de.

“Shtëpia mbrohet me jetë!” “ShBA e BE na mbroni nga mafia me pushtet!” “Dëmshpërblim 100 përqind!” Janë disa nga parrullat që mbajnë në duar banorët e Unazës së Re. Ata e kanë nisur protestës sot në orën 08:00 dhe shprehen se do ta vazhdojnë deri sa qeveria të ulet e të negociojë me ta.

Protestat zhvillohen çdo ditë që nga e shtuna e javës së kaluar. Banorët kërkojnë dëmshpërblim për banesat dhe bizneset që do shemben për ti hapur rrugë ndërtimit të autostradës së re (aksi nga sheshi Shqiponja deri tek Pallati me Shigjeta). Siç shihet në foto, në protestë kanë dalë edhe fëmijët të cilët në këtë orë duhet të ishin në shkollë.

Sot me protestuesit janë edhe përfaqësues të PD-së. Kryetari i FRPD, Belnd Këllici shkruan në facebook:
“Vijon protesta e banoreve te Unazes se Re te cilet po nxirren nga shtepite e tyre ne menyre abuzive, pa asnje njoftim paraprak dhe pa asnje demshperblim per pronat e tyre qe i kane ndertuar me kursimet e jetes”.

*Foto nga protesta që po vazhdon tek Unaza e Re, ku për pasoje është bllokuar edhe trafiku.
/Opinion.al

Pas