Drejtoresha e Komisionit Europian për Ballkanin Perëndimor, Genoveva Ruiz Calavera është takuar sot me disa përfaqësues të opozitës shqiptare.
Delegacioni i Bashkimit Europian në Shqipëri shpërndau foto nga takimi, duke shkruar se është koha që palët të ulen në dialog.
“Është koha që dy palët politike të bëhen bashkë për të mirën e vendit. Drejtoresha për Ballkanin Perëndimor në Komisionin Evropian, Calavera Ruiz u takua me përfaqësues të opozitës për t’u njohur me qëndrimet e tyre për situatën politike në Shqipëri përpara përgatitjes së raportit të vitit 2019”, shkruhet në postimin e përfaqësisë së Bashkimit Europian në Shqipëri.
Ditën e djeshme Genoveva Ruiz Calavera u takua edhe me kryeministrin Edi Rama, ku në fokus të diskutimeve ishte pikërisht reforma në drejtësi. Kujtojmë se ajo është edhe shefja e ONM-së, strukturës me ekspertë ndërkombëtarë që monitorojnë reformën në drejtësi./Opinion.al
