Ish-kryeministri Sali Berisha në një komunikim për mediat ditën e sotme, ku ka prezantuar raportin e auditit për paratë ruse në Partinë Demokratike, nuk ka lënë pa diskutuar zgjedhjet e 14 majit.
I pyetur nga gazetarët lidhur me zyrtarizimin e kandidatëve nga Alibeaj, Berisha ka thënë se ata janë kandidatë të Edi Ramës dhe se nuk kanë asnjë lidhje me PD.
Sipas tij këta kandidatë janë veglat mjerane të Lulzim Bashës dhe Edi Ramës, të cilët I përdorin kundër pluralizmit.
“Kandidatët e Alibashës dhe Lulzim Bravës janë kandidatë të Edi Ramës. Nuk kanë lidhje me PD. Ata janë thjesht vegla mjerane që i përdor Basha dhe Rama kundër pluralizmit. PD do triumfojë. Koha provoi në mënyrë profetike përcaktimet, provoi rëndësinë që ka misioni i demokratëve për vendosjen e pluralizmit. Këto tani i kanë kuptuar të gjithë. Kandidatët e Edi Ramës, janë 1 ose 2, vijnë nga bota e mafies”, tha Berisha”./Opinion.al
