Pa mbaruar sezoni i pushimeve në Tiranë qëndroi zëvendëskryetarja e Grupit Parlamentar të CDU/CSU, Katja Leikert. Kjo e fundit zhvilloi takime me liderët politikë si dhe kreun e Shtetit shqiptar, Ilir Meta. Takimet e politikanes gjermane dhanë shenjat e para për negociata nga Bundestagu gjerman. Por këtë javë Tirana, do të presë një tjetër zyrtar të rëndësishëm.
Bëhet fjalë për Drejtorin për Evropën Qendrore dhe jugore në Departamentin e Shtetit, David Kostelancik, i cili do të takohet me përfaqësues të forcave politike në Shqipëri.
Mësohet se diplomati amerikan do të zhvillojë një takim me kryetarin e Partisë Demokrate Lulzim Basha këtë të enjten, ndërsa nuk ka shumë të dhëna mbi axhendën e takimeve.
Kostelancik është një diplomat karriere dhe ka qenë më parë edhe pjese stafit të ambasadës amerikane në Tiranë. Sigurisht vizita e tij në Tiranë, nuk mund të ketë jashtë vëmendjes dhe krizën politike që ka përfshirë vendin prej muajsh./ Opinion.al
