Takimi i ministres Belinda Ballku me disa banorë, që kundërshtojnë ndërtimin e dy hidrocentraleve në lumin Urakë, në zonën e Kurbneshit është zhvilluar me një incident.
Në prani të kryetarit të Bashkisë, Ndrec Dedaj, një nga punonjësit e tij i thyen telefonin një banori që të mos e lejojë të filmojë, gjë që ka sjellë irritim të palëve dhe përplasje fizike.
Në mes turmës është futur dhe ish-ministrja Lindia Nikolla për të qetësuar situatën, ndërsa një nga banorët i thotë: Deri këtu arritët?
Pas tensioneve Ministrja e Infrastrukturës dhe Energjisë njoftoi se do të anulojë ndërtimin e dy hidrocentraleve. Vendimi sipas saj është bazuar nga ankesat e mbërritura në platformën e bashkëqeverisje ndërsa hapësira përreth është pjesë zonave të mbrojtura.
“Qeveria është shumë e ndjeshme ndaj kërkesave të komunitetit dhe duke qenë se kjo zonë është shpallur një zonë e mbrojtur, këtu nuk do të lejohet ndërtimi i këtyre dy HEC-eve. Kjo është një zonë e mbrojtur, kështu që dhe në të ardhmen ju nuk do keni problematika të tjera”, u shpreh Balluku./Opinion.al
