Një zyrtar i rajonit të Thesalisë, ku ndodhi përplasja e trenit, ka thënë për mediat lokale se dy trenat u përplasën në të njëjtën linjë, sipas agjencisë së lajmeve Reuters.
Konstantinos Agorastos tha për Skai TV se përplasja ndodhi me shpejtësi të lartë midis një treni mallrash dhe një treni pasagjerësh ndërqytetës jashtë qytetit të Larisës në Greqinë qendrore.
Treni i pasagjerëve ndërqytetës po udhëtonte nga Athina në Selanik, tha ai.
Guvernatori rajonal shpjegoi se katër vagonët e parë të trenit të pasagjerëve u dolën nga shinat në aksident. Ai tha se dy karrocat e para u “shkatërruan pothuajse plotësisht” pasi morën flakë.
“Ata po udhëtonin me shpejtësi të madhe dhe njëri shofer nuk e dinte se tjetri po vinte,” tha Agorastos./Opinion.al
