Rusia ka rreth 70% të fuqisë luftarake që beson se do t’i duhet për një pushtim të plotë të Ukrainës dhe po dërgon më shumë grupe taktike batalionesh në kufirin me fqinjin e saj, thanë të shtunën dy zyrtarë amerikanë.
Në dy javët e fundit, numri i grupeve taktike të batalioneve në rajonin kufitar është rritur në 83 nga 60 që ishin të premten dhe 14 të tjerë janë në tranzit, thanë zyrtarët për Reuters.
Kushtet e motit do të favorizojnë Rusinë që të lëvizë pajisje ushtarake nga 15 Shkurti e deri në fund të Marsit. Sipas tyre, për shkak të temperaturave të ulëta, toka pritet të ngrijë e të ngurtësohet, duke i mundësuar Moskës lëvizjen e shumë pajisjeve të rënda.
Ky afat kohor dhe numri dhe aftësia në rritje e forcave ruse pranë Ukrainës mund të sugjerojnë se dritarja për diplomacinë po mbyllet.
Rusia ka grumbulluar më shumë se 100,000 trupa pranë kufirit, ajo ka thënë se nuk po planifikon një pushtim, por mund të ndërmarrë veprime të papërcaktuara ushtarake nëse kërkesat e saj të sigurisë nuk plotësohen.
Por ata thanë se Putini po krijon një forcë që mund të ekzekutojë të gjithë skenarët.
Nëse Rusia do të pushtonte kryeqytetin e Kievit, ai mund të bjerë brenda disa ditësh, thanë zyrtarët amerikanë.
Një pushtim në shkallë të plotë do të shkaktonte viktima të mëdha, tha një nga zyrtarët.
Sipas raportimeve, një pushtim i mundshëm i Ukrainës nga Rusia mund të shkaktojë deri në 50 mijë vdekje./Opinion.al
