Milani ka zyrtarizuar blerjen e talentit të Breshias, Sandro Tonali.
Mesfushoi 20-vjeçar nënshkroi një kontratë 5-vjeçare me kuqezinjtë, nga e cila do të përfitojë 2 milionë euro në sezon.
Kartoni i Tonalit i kushtoi 35 milionë euro Milanit, i cili synon të garantojë të ardhmen me një nga mesfushorët më premtues të Italisë.
Toniali ka luajtur me Breshian, 89 ndeshje duke shënuar 7 gola.
Ai ka debutuar me kombëtaren e Italisë në 15 tetor 2019 dhe ka luajtur me fanelën e kaltër 3 ndeshje.
Për kartonin e 20-vjeçarit ishin të interesuar Interi dhe Juventusi por në fund ai zgjodhi Milanin ku do të veshë fanelën numër 8 që më parë është mbajtur nga Gatuzo. /Opinion.al
