Ish-kampioni i botës në peshat e rënda Vladimir Klitçko ka vendosur të tërhiqet përfundimisht nga boksi duke përjashtuar kështu edhe mundësinë e një dueli revanshi me britanikun Entoni Xhoshua.
41- vjeçari ukrainas u rrëzua në “nokaut” rrëzua në raundin e 11-të nga kampioni aktual i botës, Xhoshua në stadiumin “Wembley” në muajin prill.
Xhoshua, 27 vjeç, kishte shpresuar për ndeshjen e revanshit të parashikua të mbahej në Las Vegas më 11 nëntor. “Kam arritur gjithçka që kam ëndërruar dhe tani dua të filloj karrierën time të dytë pas aktiviteteve sporteve”, tha Klitschko.
Dy herë ish-kampioni i botës, i cili mbajti titullin e unifikuar nga 2006-2015 përpara se të humbte përballë Tajson Fiurit, e përfundoi karrierën e tij me një rekord prej 64 fitore dhe pesë humbje.
“Unë kurrë nuk do të kisha imagjinuar se do të kisha një karrierë kaq të gjatë dhe tepër të suksesshme në boks”, shtoi ai.
Xhoshua tani duhet të përballet me sfiduesin e detyrueshëm Kubrat Pulev para 2 dhjetorit ose rrezikon t’i hiqet brezi i artë në versionin IBF. Bullgari Pulev, 36-vjeç, ka një rekord prej 25 fitore dhe një humbje, kjo e
shkaktuar pikërisht në ring me Klitçkon në vitin 2014-të.
Klitschko fitoi medaljen Olimpike super-peshë të rëndë në Lojërat e 1996 në Atlanta, përpara se të kthehej profesionalisht më vonë gjatë atij viti.
Ai siguroi një rekord prej 24 fitoresh përpara se të humbte me Ros Piuriti në vitin 1998, në ndeshjen e vetme të zhvilluar në Ukrainë. Pasi fitoi titullin botëror në versionin WBO ndaj amerikanit Kris Bërd në vitin 2000, Klitçko u befasua nga Korri Senders dhe afrikano-amerikani Lemon Brujster në vitin 2003 dhe 2004.
Më pas prej 11 viteve radhazi Klitçko nuk ka njohur humbje në ringun profesionist, derisa i dorëzoi fronin në WBA, IBF dhe WBO në Fiurit në nëntor 2015.
Boksieri, prej kohësh me banim në Gjermani, njoftoi lamtumirën e tij nga boksi në një video të postuar në faqen e tij të internetit, ku për një moment ajo u bllokua për shkak të numrit të madh të njerëzve që e klikuan.
Në deklaratën e tij në video, Klitçko tha: “Njëzet e shtatë vjet më parë unë fillova udhëtimin tim në sport. Ishte zgjedhja më e mirë e një profesioni që unë mund të kisha bërë. Për shkak të kësaj zgjedhjeje unë kam udhëtuar në gjithë botën, kam mësuar disa gjuhë, sikurse kam ndihmuar edhe njerëzit në nevojë.
Por në një moment në jetën tonë ne duhet të jemi gati për kapitullin tjetër. Unë jam duke pritur dhe duke shpresuar se karriera ime e ardhshme, e cila tashmë kam planifikuar, do të jetë së paku po aq e suksesshme sa e mëparshmja, nëse jo më e suksesshme”.
