Mirel Josa është larguar nga drejtimi i skuadrës së Kukësit. Lajmi është konfirmuar nga vetë skuadra verilindore përmes një postimi në rrjetet sociale.
Sikurse bën me dije klubi trajneri ka pasur një bisedë me drejtuesit dhe më pas është vendosur ndërprerja e bashkëpunimit.
“Futboll Klub Kukësi njofton se Mirel Josa nuk është me trajner i skuadrës sonë. Pas përfundimit të sezonit, trajneri Josa ka pasur një bisedë me drejtuesit e klubit dhe më pas është vendosur që të ndërpritet bashkëpunimi. Kukësi e falenderon trajnerin Josa për kontributin e dhënë dhe i uron suksese në karrierën e tij”, thuhet në një njoftim.
Skuadra e Kukësit e mbylli kampionatin duke u renditur në vendin e gjashtë./Opinion.al
