Zyrtare/ Ja sa votues votuan sot në zgjedhjet për kryetarin e PD-së

Tani që janë mbyllur të gjitha qendrat e votimit në procesin zgjedhor për kreun e ri të Partisë Demokratike, është bërë publike edhe shifra zyrtare e votuesve. Ku sipas të dhënave që disponon Opinion.al, në këto zgjedhje kanë votuar 59 766 votues, të cilët kanë zgjedhur midis z. Basha dhe z. Selami. Aktualisht kutitë e votimit nga të gjitha degët e PD-së në rrethe po i drejtohen selisë qendrore të Partisë Demokratike, aty ku do bëhet edhe numërimi final. Sipas raportimeve të mëhershme, numërimi do të nisë menjëherë sapo të gjitha kutitë të kenë mbërritur në selinë qendrore, ndërkohë që pritet që rezultati i garës të shpallet nesër në mëngjes.