Deputeti i qarkut të Lezhës Mëhill Fufi nuk mundi ta mbyllë mandatin. Ai u përjashtua dje nga grupi parlamentar i PD-së. Lajmi është zyrtar dhe konfirmohet nga zyra për mediat e selisë blu.
“Mëhill Fufi ka thyer urdhërin politik të partisë dhe për këtë nuk do të jetë më pjesë e PD”, bëri të ditur zyra për mediat.
Vendimi është marrë mbrëmë nga grupi parlamentar, dhe kreu i saj Edi Paloka.
Dje gjatë seancës plenare, në një kohë kur të gjithë deputetët e PD u larguan nga seanca, Fufi nuk iu bashkua grupit por preferoi të qëndrojë në sallë. Ai u pa teksa bisedonte me deputetin e LSI në Qarkun e Lezhës, Gjovalin Kadeli.
Ai votoi pro të gjitha ligjet e rendit të ditës, përfshirë edhe atë për Organet e Qeverisjes së Sistemit të Drejtësisë.
/Opinion.al
