Universiteti i Tiranës ka bërë publik numrin e kuotave që kanë mbetur të paplotësuara në të gjitha programet e studimit.
Përmes një njoftimi për shtyp bëhet me dije se në total janë 4073 kuota në të gjitha programet e studimit.
Këto kuota për çdo program studimi gjenden në faqen zyrtare të Universitetit të Tiranës dhe në faqen zyrtare të çdo fakulteti të këtij Universiteti.
Po ashtu njoftohet se këto kuota të paplotësuara i janë dërguar zyrtarisht AKP-së në datën 12/09/2016.
“Gjithashtu, Universiteti i Tiranës dëshiron të informojë publikun se çdo shifër rreth kuotave të paplotësuara, të cilat janë publikuar në media apo faqe interneti të ndryshme dhe që nuk i referohen të dhënave zyrtare të publikuara nga Universiteti i Tiranës apo Agjencia Kombëtare e Provimeve, janë të pasakta”-thuhet në njoftim.
