Ishte në ajër prej ditësh dhe tashmë është fakt: Etrit Berisha nuk është më në planet e Lacios dhe ka 10 ditë kohë të gjejë klub të ri. Portieri i Shqipërisë nuk është grumbulluar fare për debutimin sezonal të Lacios në Serinë A. Trajneri Simone Inzagi në konferencë për shtyp sqaron: “Berishën nuk e kam grumbulluar për një problem të vogël. Gjithsesi, mes tij e Marketit zgjedh këtë të dytin. Marketi ka qenë gjithnjë titullari im”
Fund i hidhur, por i pritshëm, për Berishën, i cili më kot shpresoi se do të gradohej titullar sivjet.
