Adriatik Llalla nuk do të jetë objekt kontrolli i organeve të vetingut. Lajmi u be publik nga Komisioni i Pavarur i Kualifikimit.
Permes nje njoftimi per mediat thuhet se “trupi gjykues i përbërë nga: Roland Ilia Kryesues, Pamela Qirko Anëtare, Olsi Komici Relator, pasi mori dijeni për dorëheqjen e subjektit të rivlerësimit, z. Adriatik Llalla, më datë 12.02.2018, në zbatim të nenit G të Aneksit të Kushtetutës, vendosi ndërprerjen e procesit të rivlerësimit për të”.
Ish-Kryprokurori i vendit deri në Dhjetor 2017, u dorëhoq nga sistemi i drejtësisë, duke mos pranuar emërimin si gjyqtar në Apel. Dorëheqja që Adriatik Llalla i paraqiti Presidentit të Republikës dhe Komisionit të Pavarur të Kualifikimit disa ditë më parë, i siguroi atij edhe perjashtimin nga procesi i vettingut.
Nga ana tjetër, një ditë më parë Departamenti Amerikan i Shtetit bëri të ditur se Adriatik Llallës dhe familjes së tij i është ndaluar hyrja në SHBA me argumentin se mund të jetë përfshirë në korrupsion. /Opinion.al
