Zv/ministri i Brendshëm, Besfort Lamallari, të hënën, deklaroi se grupi kriminal ‘Bajri’ është konsideruar si një nga 7 grupet më të rrëzikshme me aktivitet të strukturuar si jashtë dhe brenda vendit.
Sipas ekspertëve në Task Forcën Speciale, të cilët kanë bërë një skedim të grupeve kriminale që janë pjesë e një skedari kombëtar. Ky grup konsiderohet si një nga 7 më të rrezikshmit në vend dhe jashtë vendit. Ky grup e zhvillonte aktivitetin kriminal në disa vende, kryesisht në Belgjikë, Holandë dhe Itali.
Lamallari u shpreh në ‘Opinion’ se një karakteristikë e këtij grupi kriminal, ishte edhe shkalla e lartë e rrëzikshmërisë për shkak të përdorimit të dhunës.
Zv/ministri tha se ky grup ka një histori të gjatë, pasi vepronte që në vitet 1994.
Ai deklaroi se për shkodranët vjen edhe një lajm i mirë, pasi ata janë ndëshkuar të paktën për dy vrasje, mes të cilave edhe një vajzë 15-vjeçare.
