Një shqiptare nga Kosova që jeton në Zvicër është kthyer në një heroinë pasi ka shpëtuar një 4-vjeçar nga mbytja.
Nazlie Selimaj, e cila punon si infermiere, ka ndërhyrë teksa ka parë një djalë 4-vjeçar, pa ndjenja në një pishinë.
Shqiptarja kishte shkuar në zonën ku ndodhi ngjarja për të kaluar fundjavën me familjen e saj.
“Burri im më pas pa një baba duke vrapuar tek pishina. Ai e nxori djalin nga uji dhe po e mbante në krah pa ndjenja. Babai i tij ishte i shkatërruar”, u shpreh 34-vjeçarja për median Blick.
Selimaj tregon se vrapoi menjëherë tek ata të dy, e mori fëmijën nga krahët e të atit dhe i dha ndihmën e parë.
“E shtriva djalin në dysheme sepse nuk i ndjeva pulsin dhe i masazhova zemrën me njërën dorë. Ai u zgjua”, ka thënë ajo.
Nazlie Selimaj (34) half in der Badi in Wil SG bewusstlosem Buben: Diese Kosovarin rettete Afghane (4) das Leben! https://t.co/J0tNnwdHef
— Blick (@Blickch) June 7, 2023
