Një polic zviceran është dënuar ditën e djeshme me një vit burg me kusht për shkak se tejkaloi limitin e shpejtësisë gjatë një ndjekjeje në shkurt të vitit 2017.
Lajmi u publikua fillimisht në “Le Temps e Tribune di Genève”, ndërsa më pas u konfirmua edhe nga avokati i policit. “Klienti im u dënua si të ishte një shofer normal që u soll si idiot në një zonë ku maksimumi i shpejtësisë është 50 kilometra në orë”, tha ai.
Gjykata e dënoi efektivin e policisë, pa marrë parasysh funksionin dhe misionin e tij. Në shkurt të vitit 2017, patrulla e policisë po ndiqte disa hajdutë rreth orës 3:40 të mëngjesit, me qëllim që t’i kapte përpara se të arrinin në kufirin francez. Shpejtësia e makinës së policisë, e kapur nga radarët, ka qenë 126 kilometra në orë në një zonë ku limiti është 50 kilometra në orë. Pavarësisht rrethanave, kjo shkelje e rregullave rrugore është konsideruar si e papranueshme për një polic në shërbim./Opinion.al
