Nëse ju rastis të harroni lingota floriri me vlerë më shumë se 190 mijë dollarë në një tren zviceran, mos u shqetësoni se nuk ju humbin.
Autoritetet në qytetin e Lucernës kanë thënë se një çantë që kishte brenda lingota floriri me vlerë rreth 190 mijë dollarë u gjet në një tren që mbërriti nga qyteti verior i Shën Gallen në tetor, dhe përpjekjet për të gjetur pronarin kanë dështuar.
Lingotat u sekuestruan nga prokurorët e Lucernës. Autoritetet rajonale konfirmuan të martën se çdo person që pretendon se është pronari i tyre ka kohë deri në 5 vite për ta bërë këtë duke paraqitur edhe prova të arsyeshme.
Fakti që asnjë person nuk është paraqitur për të pretenduar lingotat “e harruara” është i çuditshëm edhe për një vend të pasur si Zvicra ku kostot e jetesës janë nga më të lartat në botë.
Në një incident të ngjashëm tre vjet më parë, autoritetet në Gjenevë gjetën tufa kartëmonedhash 500 € të futura në mënyrë misterioze në tualetet e tre restoranteve dhe një banke në episode të ndara. Në total ato kishin vlerën e dhjetëra mijëra eurove.
Në atë kohë, hetuesit zviceranë thanë se paratë kishin ardhur nga një kasafortë në Gjenevë që i përkiste disa spanjolle të paidentifikuara.
Një avokat u paraqit për të përfaqësuar gratë në një stacion policie lokal, sipas Tribune de Genève, por jo për t’u interesuar për paratë por vetëm për të paguar për punën e hidraulikut në bankë dhe tre restorantet. /Opinion.al
