Prej vitit 2013 ky aks i rëndësishëm për juglindjen e vendit, vijon të jetë në gjendje të mjerueshme, për shkak të punimeve të pambyllura.
Autoriteti Rrugor Shqiptar e ka tenderuar këtë aks me një vlerë prej 1 miliardë e 925 milionë lekësh. Por afatet për perfundimin e tij janë shtyrë disa herë.
Drejtuesit e automjeteve ndeshen me gropat e hapura nga punimet të cilat duhet të kishin përfunduar para një viti.
Sinalistika mungon tërësisht çka e bën këtë segment të rrezikshëm.
Vetëm pak javë më parë një i ri humbi jetën, ndërsa një tjetër mbeti i plagosur nga një aksident i ndodhur pranë Urës së Selenicës.
Firma që po kryen punimet nuk ka vendosur asnjë tabelë që paralajmëron punimet, kufizimin e shpejtësisë apo segmentet e rrezikshme. Ndërsa Autoritetit Rrugor Shqiptar as që ndërhyn për ta detyruar kontraktorin që të respektojë ligjin dhe kontratën, duke cënuar në këtë mënyrë sigurinë rrugore.
Banorët e fshatrave të kësaj zone thonë se përballë kësaj situate dhe heshtjes së shtetit, ajo që u ka mbetur është vetem protesta.
Tv Klan
