Zëvendës presidenti i UEFA-s, Grigory Surkis ndoqi nga afër procesin e zgjedhjeve në FSHF, ku fitues u rizgjodh Armand Duka. Surkis duke folur nga hotel “Adriatik” në Durrës, aty ku u mbajt edhe asambleja, u shpreh se zgjedhjet ishin normale dhe uroi Dukën prë fitoren. Kësisoj ai zbeh pak shpresat e Finos që pretendon parregullsi në këtë proces.
“Zgjedhjet u zhvilluan në një nivel të lartë tolerance. U zhvilluan në principe normale . Sigurisht që ka një kandidat fitues, por nuk ka humbës. Është detyrë e presidentit të federatës që të zhvillojë futbollin. Kemi disa ide të reja se si ta ndihmoj futbollin shqiptar. I takon presidentit të Federatës që të punojë tashmë për të zhvilluar më shumë futbollin në këtë vend, ndërsa edhe ne kemi disa ide të reja, se si t’ju vijmë në ndihmë. Dëshiroj të përgëzoj edhe Armand Dukën, për fitoren në këto zgjedhje”, deklaroi Surkis.
Të lidhura:
Armand Duka rizgjidhet ne krye te FSHF, mund Finon
Cfare deklaroi Fino pas votimit
