Zëvendësministrja e Shëndetësisë Mira Rakacolli është shprehur se deri më tani në Shqipëri nuk ka asnjë person të konfirmuar me koronavirus. Ajo theksoi se rastet e testuar kanë rezultuar negativ.
Po ashtu, Rakacolli sqaroi se rasti i ndjeshëm, ku një qytetar nga Skrapari humbi jetën në Sanatorium dhe u dyshua nga gripi i derrit. Zëvëndës ministrja e Shëndetësisë tha se 46-vjeçari ushte me pneumoni dhe i prekur nga gripi stinor dhe nuk ka pasur asnjë shenjë të koronavirusit.
“Nuk ka asnjë rast të konfirmuar për koronavirusin. Janë testuar 13 raste me histori udhëtimi përfshirë edhe Italinë, por kanë rezultuar negativ. Është miratuar fondi shtesë 1 milion dollarë vetëm për shtimin e stokut të materialeve mbrojtëse. Nëse keni temperaturë, kollë, rrufë dhe histori udhëtimi nga vendet e prekura, telefononi në numrin 127. Pacienti ka humbur jetën si rezultat nga një pneumoni që është konstatuar se ka qenë i prekur edhe nga gripi stinor. Nuk ka pasur asnjë lidhje me koronavirusin” tha Rakacolli.
Ndërkohë bëhet me dije se 46-vjeçari nga fshati Therepel i Skraparit vuante edhe nga diabeti, zemra dhe tensioni./ Opinion.al
