Zv/ministrja e Shëndetësisë, Mira Rakacolli deklaroi sot se për momentin vetëm kati i parë i spitalit infektiv është në dispozicion të sëmurëve me COVID-19. Me shtimin e rasteve ajo pohoi se të dyja katet e spitalit infektiv do të shndërrohen në një spital COVID.
“Spitali Infektiv është ndërtuar me konceptin e spitaleve infektive që në të njëjtën kohë mund të ketë smëmundje që transmeothen nga njëri rte tjetri, për këtë arsye katet janë krejtësisht të izoluara, me hyrje krejtësisht të vecanta.
Për këtë aryse, kati i parë i spitalit Infektiv është për momentin vetëm në dispozicion të të sëmurëve me COVID. Në katet e tjera ndodhen për momentin 4 pacientë të shtruar në total, nuk kanë asnjë lidhje, as personeli që shërben te kati i parë nuk ka lidhje me ta, e me shtimin e rasteve, të dyja katet e spitalit infektiv do të shndërrohen në një spital COVID”, tha zv/ministrja.
Si veprohet me rastet që nuk mund të vetëkantinohen? Ata do shkojnë në karantinën e shtetit, tha Rakacolli.
“Nëse do kemi një prurje më të madhe që këto dhoma nuk do ta përballojnë do shohim si opsion vendosjen e cadrave jashtë spitaleve”, bëri me dije zv ministrja.
Ajo dha përgjigje edhe për sa i takon fluksit të madh të thirrjeve në numrin 127. Sipas saj qytetarët nuk duhet ta mbyllin telefonin kur linja u del e zënë por të presin.
“Sot është shtuar personeli, por qytetarët duhet të kenë parasysh që kur del e zën, duhet të rrijë në linjë, se sistemi i urgjencës është i ndëruar me radhë, nëse mbyll telefonin dhe e provon më vonë, keni dalë nga radha. Nëse s’përgjigjet, vazhdoni të mbeteni në linjë”, tha Rakacolli. /Opinion.al
