Zëvendës kryeministrja e Ukrainës thotë se NATO është pjesërisht përgjegjëse për vdekjet e civilëve në vendin e saj.
Sipas saj,aleancën euroatlantike është përgjegjëse për vdekjet e civilëve në vend pasi ka refuzuar të zbatojë një zonë ndalim fluturimi mbi Ukrainë.
Duke folur për world Tonight në BBC Radio 4, Olha Stefanishyna tha “është çnjerëzore të dish që popullsia civile dhe fëmijët do të vriten nga mos marrja e këtij vendimi”.
“Gjaku i atyre civilëve – duke përfshirë nënën dhe babanë e dy fëmijëve që lindën dje dhe vetëm sot humbën prindërit e tyre në një granatim – nuk është vetëm në duart e rusëve”,-tha ajo.
Zëvendëskryeministrja ukrainase kërkoi falje që nuk ishte diplomatike në zgjedhjen e gjuhës, por tha se po fliste ndërsa ishte e fshehur në një strehë.
Anëtarët e NATO-s kanë refuzuar të krijojnë një zonë ndalim-fluturimi pasi janë të shqetësuar se kjo do të përshkallëzonte konfliktin duke i vënë forcat perëndimore në luftime të drejtpërdrejta me fuqinë ajrore ruse./Opinion.al
