Mark Zuckerberg ka ndërtuar një projekt të inteligjencës artificiale për të cilin ka punuar për rreth një vit, përmes të cilit do të mundë të kontrollojë shtëpinë e tij (për shembull temperaturën, ndriçimin, etj.).
Ai e ka ndërtuar sistemin në mënyrë të tillë që të funksionojë vetëm kur të dëgjojë zërin e tij, madje ai nuk ‘bindet’ as kur gruaja e Zuckerberg tenton ta vërë në punë.
“Shpresoj se mund të bëj një demonstrim muajin tjetër,” tha ai kur u pyet mbi projektin.
“Kam bashkëpunuar me shumë inxhinierë të Facebook, të cilët më ndihmuan me teknologjinë e njohjes së zërit apo atë të fytyrës dhe ndërtova kështu një program shumë të sigurtë i cili funksionon si një çelës unik për shtëpinë dhe pajisjet e tjera. Nuk më duhet të përdor as pasword as çelës për të hapur derën e shtëpisë. Sapo ajo më shikon, më njeh falë sistemit së njohjes së fytyrës dhe dera hapet menjëherë.” Një teknologji e tillë është shumë argëtuese shton ai.
Zuckerberg ka thënë më parë se ai ishte i bindur që inteligjenca artificiale mund të fillonte të imitonte mjaft mirë sjelljen njerëzore. brenda një dekade.
