Duke u përballur me kritikat se lajmet e rreme në facebook ndihmuan në ngritjen e Donald Trump, themeluesi i këtij rrjeti social, Mark Zuckerberg, e ka mbrojtur fuqishëm punën e tij.
Teksa foli në një konfererencë të teknologjisë në Kaliforni, Zuckerberg tha se facebook nuk duhej bërë përgjegjës për këtë.
“Ideja se lajmet e rreme në facebook influencuan zgjedhjet në ndonjë mënyrë, është një ide e çmendur”-tha ai.
“Nëse e besoni këtë atëherë mendoj se nuk e këni kuptuar mesazhin që mbështetësit Trump janë duke u përpjekur t’ju dërgojë në këto zgjedhje.”
Për një numër të konsiderueshëm të njerëzve, sidomos amerikanët, Facebook-u është duke u bërë burimi kryesor i lajmeve.
News Feed-i i facebook është projektuar posaçërisht për t’ju treguar përdoruesve përmbajtjen që mendohet se ka interes më të madh, duke krijuar atë që disa e përshkruajnë si një ” filter flluske ” që përforcon pikëpamjen e një personi pa injektuar dallimet në mendim.
