Disa fotografi të reja të postuara së fundmi nga Mega Agency tregojnë themeluesin dhe drejtorin ekzekutiv të Facebook, Mark Zuckerberg, teksa bën sërf në Hawaii në një dërrasë elektrike.
36-vjeçari i kishte marrë të gjitha masat për të mos u djegur nga dielli, megjithëse ndoshta e kishte ekzagjeruar pak.
Ai kishte mbuluar krahët, por ajo që binte më shumë në sy ishte fytyra e Mark, ku kishte vendosur krem me shumicë për t’u mbrojtur nga rrezet.
Por kujdesi i tepruar i Zuckerberg ka marrë me mijëra reagime në rrjetet sociale, pjesën më të madhe të të cilave i drejton ai vetë. Memet ishin të pafundme, ndërsa kishte edhe nga ata që shkruanin se Mark kishte marrë këshilla mode nga “Joker”./Opinion.al
