Duhen më shumë rregulla për të mbrojtur rrjetin nga postimet me përmbajtje të rrezikshme dhe për këtë gjë duhet që qeveritë të kenë një rol më aktiv. Është kjo kërkesa e drejtuesit të Facebook-ut, Mark Zuckerberg në një editorial në “Washington Post”.
Zuckerberg, i cili vitin e fundit ka qenë në qendër të akuzave për dhunim të të dhënave personale të përdoruesve në rrjetin më të madh social Facebook, pranon nevojën e imponimit të rregullave të reja për të garantuar integritetin e proceseve elektorale dhe për të mbrojtur privatësinë e njerëzve.
Ai thotë se duhet një bashkëpunim mes gjithë shteteve për të hartuar një kornizë të përbashkët ligjore dhe modeli duhet të jetë rregullorja e miratuar në Bashkimin Europian, e njohur si “General Data Protection Regulation”./Opinion.al
