Kryeministri Edi Rama në një takim të zhvilluar sot me pensionistët shpjegoi se përse në vendin tonë nuk po përdoret nafta vendase.
Teksa u shpreh se vendi ynë ka burime energjie Rama tha se Shqipëria ka një naftë që po të përpunohet kushton shumë herë më shumë sesa po ta marrim nga jashtë. prandaj kthehet në bitum.
“Ne na i ka dhënë zoti energjinë dhe naftën. Në fakt ne na ka dhënë zoti një vend me shumë burime ujore, por zoti nuk prodhon energji. Energjinë e prodhojnë HEC, e prodhojnë fotovoltaikët nuk e prodhon zoti dhe Shqipëria nuk e prodhon dot të gjithë sasinë prandaj duhet të shkojë në tregun ndërkombëtar.
Shqipëria prodhon një energji që varet nga zoti, dmth nga shiu. Ne jemi vend me energji të rinovueshme, por kur nuk ka shi, ne mbetemi pa energji.
Se thonë mbajeni, mos e shisni, po ku ta çojmë në dollap apo në frigorifer. Ne e shesim lirë në kohën kur kemi shumë reshje. Po ta mbajmë shpërthejnë digat dhe mbytet veriu. Pse, sepse na mungon Skavica prandaj po e ndërtojmë.
Të tjerët thonë se naftën na e ka dhënë Zoti. Jo more jo se s’na e ka dhënë Zoti ne naftën. Nafta jonë është shumë e rëndë. Shqipëria ka një naftë dhe rezerva të rëndë që po të përpunohet kushton shumë herë më shumë sesa po ta marrim nga jashtë. Prandaj kthehet në bitum”, sqaroi Rama.
