“Zoti i drogës” lirohet nga akuzat/ Gjykata vendos të mos e ekstradojë në Itali

Gjykata e Durrësit ka rrëzuar kërkesën për ekstradimin e Alket Hatisë në Itali. Sipas gjykatës së Durrësit, Hatiaj e ka kryer dënimin 16 vite në Shqipëri për të njëjtat vepra penale që e kërkon Italia. Vendimi është marrë nga gjyqtari Paulin Çera, ndërsa Hatiaj, që deri tani ka qenë në kërkim, lirohet nga të gjitha akuzat.
Alket Hatija 44 vjeç është etiketuar nga mediat italiane si “Zot i drogës”. Ai u arrestua më 8 korrik me urdhër të Prokurorisë së Rrethit Durrës pasi emri i tij u shfaq në sistemin e personave të shpallur në kërkim ndërkombëtar nga Interpol Roma.
Urdhri i kërkimit ndërkombëtar bazohej në vendimin e datës 30 shtator 2016 të Gjykatës së Milanos, që e dënonte Hatiajn me 20 vjet burg për trafik narkotikësh. Hatiaj cili ka vuajtur një dënim në Shqipëri në vitet 2008-2014 për trafik narkotikësh dhe pretendon se e ka shlyer dënimin për të njëjtat fakte penale që është gjykuar edhe në Itali.