Megjithëse paralajmëroi zgjedhje të parakohshme nëse nuk hapeshin negociatat, Zoran Zaev u tërhoq nga ky vendim duke bërë thjesht ndryshime të kabinetit qeveritar. Listën me ndryshimet në kabinetin e ri ai e publikoi sot.
Ajo që bie në sy menjëherë është se Kryeministri i Maqedonisë së Veriut ka zgjedhur të mbajë vetë postin e Ministrit të Financave në kabinetin e ri. Ndryshimet e tjera janë: Ministër i ri i Bujqësisë do të jetë Trajan Dimovski, i cili do të zëvendësojë Lupço Nikollobskin. Hysni Ismaili do të drejtojë Ministrinë e Kulturës në vend të Asaf Ademit. Ministër i Vetëqeverisjes Lokale është emëruar Goran Milesku.
Me gjithë dëshirën për ndryshim, duhet thënë se ristrukturimi i qeverisë që u premtua pas mbledhjes së Kryesisë së Partisë Social-Demokrate mbajti në detyrë emrat kryesorë të qeverisë.
Lista me emrat e ministrave të rinj do t’i dorëzohet parlamentit dhe do të futet në rend dite në javën e ardhshme. /Opinion.al
