Është shoqëruar me debate seanca plenare e kësaj të enjteje në Kuvendin e Shqipërisë.
Rezoluta e paraqitur në Kuvend nga deputetët e PD ka përplasur sërish ish kryeministrin Sali Berisha dhe kryeparlamentaren Lindita Nikolla.
Berisha ka akuzuar Nikollën se “e trajton Kuvendin sipas urdhrave që merr nga Edi Rama” duke i thënë se “nuk është Parlamenti dyqani juaj”.
Debati në parlament
Sali Berisha: Moj zonjë, parlamenti s’është dyqani juaj. Për njohjen e genocidit në Kosovë nuk keni asnjë tagër.
Lindita Nikolla: E sqaruan më herët.
Sali Berisha: Jo nuk është sqaruar asgjë. Nuk është sqaruar asgjë.
Lindita Nikolla: Nuk i kthehemi sepse ka rëndësi çështje duhet të dalim të unifikuar.
Sali Berisha: Keni shkelur ligjin.
Lindita Nikolla: Asnjë shkelje ligji, duhet të kemi një rezolutë të përbashkët.
Sali Berisha: Ma hap mua mikrofonin, Ju shkelni ligjin e parlamentit, e përcakton qartë ligji se cili është qëndrimi që mbahet për rezolutat dhe brenda tre ditëve duhet të ishte shqyrtuar në parlament, Kjo rezolutë ka tre javë që pret, parlamenti nuk është dyqani jo moj zonjë.
