“Zonë e Lirë”, emisioni i cili për 13 vite është moderuar nga Arian Çani në mënyrë të pandryshueshme. Këtë të premte e nisi sezonin e ri me një ndryshim të madh. Të gjithë u habitën mbrëmjen e djeshme, teksa Çani la mënjanë një traditë të hershme të këtij emisioni.
Prej kohësh ishim mësuar që moderatori ngrihej dhe i takonte dy herë të ftuarit. Si në momentin që futeshin në studio dhe kur dilnin prej saj. Mirëpo, këtë traditë që e zbatonte prej kohësh, Çani e ka hequr këtë sezon të ri. Gjatë puntatës së mbrëmshme të ftuarit e kanë vënë re këtë detaj dhe e pyetën pse erdhi ky ndryshim.
Deklarata
“Tani kam vendosur një rregull të ri, të ftuarit nuk i takoj më kur vijnë por kur ikin, pra do të puthemi vetëm një herë, kjo për shkak të boshllëqeve që krijohen në ekran.”- ka shpjeguar për të gjithë moderatori.
