Biblioteka Kombëtare u përfshi dje nga flakët në rrethana ende të pazbardhura plotësisht. Drejtoresha Persida Asllani, qetësoi duke thënë se nuk është prekur nga flakët fondi i rrallë i veprave. Sipas saj janë djegur libra të pas ’90 që mund të rikuperohen. Ndërsa zv/ministri i Kulturës Çuni tha se janë djegur libra të letersisë ruse. Gjithsesi një inventar i plotë pritet të bëhet sot e në ditët në vijim.
Dje nuk kaloi pa u vënë re dhe puna e zjarrfikëseve. Kjo foto (në krye të shkrimit) është bërë hit duke u shpërndarë nga qindra njerëz në rrjetet sociale.
Në faqen në facebook të “Zjarrfikësit Tiranë” shkruhet: U lodhem por ja vlejti ‘ Biblioteka Kombërare ‘ kjo pasuri kulturore dhe letrare e kombit , sot nuk i humbi vlerat historike , nga zjarri i rënë në katin -2 të saj. Kjo falë efektivave zjarrfikës të cilët bënë të mundur që dëmet nga zjarri të ishin minimale.
*Foto nga zjarri që përfshiu dje katet e nëndheshme të Bibliotekës
