Një tjetër banesë është shkrumbuar mbrëmë, por fatmirësisht e moshuara ka arritur të dalë e gjallë nga flakët. 84-vjeçarja Olimbi Dhima që jetonte e vetme është shtruar në spital me plagë të lehta. Zjarri ra në fshatin Saraqinisht të Gjirokastrës dhe banorët thanë se kanë parë shkëndija të dilnin nga oxhaku dhe më pas flakët e zjarrit.
Zjarret që shkrumbojnë banesat dhe shkaktojnë edhe viktima janë të shumta në dimër. Një rrjedhje gazi, një pakujdesi me ngrohësit, etj. janë bërë shkaqe për disa tragjedi familjare. Vetëm dy netë më parë në Tepelenë një nënë e re vdiq bashkë me foshnjen 6 muajshe, pasi banesa u dogj nga rrjedhja e gazit. Po gjatë kësaj jave në Korçë një 30- vjeçar vdiq në të njëjtat rrethana, pasi në banesë ra zjarri./Opinion.al
