Kryeministri Edi Rama u pyet nga gazetarët në lidhje me flakët që përfshinë ishullin e Sazanit dër disa ditë me radhë.
Ai u shpreh se nuk është për të qarë hallin kur ndihma vjen nga jashtë, ndërsa deklaroi se në këtë mënyrë veprojnë edhe shumë shtete të avancuara.
“Së pari faleminderit sepse më jep mundësinë që ta përsëris. Ky mekanizëm është krijuar nga vendet e BE për të përballuar bashkë momente kritike në secilin prej vendeve. Kur flasim për një zjarr që bie dhe merr përmasa për një sërë arsyesh dhe në Shqipëri vjen një apo dy mjete nga ky mekanizëm. Kjo nuk është për qarë hallin. Këtë bëjnë të gjithë.
Edhe vendet më të fuqishme. Po ju them Greqinë që përballet me zjarre shumë më intensive se ne. Si përballet? Edhe pse është më e avancuar se ne përballet falë këtij mekanizmi. Me ndihmën e të tjerëve. Kjo që bëjmë sot nuk është diçka që mund ta bënim dje”,-tha Rama.
