Mesditën e sotme, pylli i Semanit u përfshi nga një zjarr i përmasave të mëdha. Një sipërfaqe e konsiderueshme u përfshi nga flakët, dhe u desh ndërhyrja e 4 zjarrëfikëseve dhe një helikopteri si edhe forcave të ushtrisë për të shuar flakët. Por sipas informacioneve është zbuluar se shkak për zjarrin ka qenë pakujdesia e pushuesve.
Të paktën 2 hektarë me pisha u dogj nga ky zjarr, ndërsa fatmirësisht nuk pati të lënduar. Në vendngjarje ka qenë prezent edhe prefekti i Fierit, i cili ka bërë thirrje të vazhdueshme për ndihmë.
