Politikë

Zjarri në Notre Dame të Parisit, Meta: Uroj sa më pak dëme


               Publikuar në : 21:38 - 15/04/19 |
Opi Nion

Presidenti Ilir Meta përmes një postimi në rrjetet sociale ka shprehur solidaritet me popullin francez pas zjarrit të madh që ra në Katedralen Notre Dame.

Meta uron që simboli Parisit të ketë pësuar pak dëme nga zjarri masiv që e përfshiu ditën e sotme.

“I trishtuar nga zjarri i rënë në Katedralen Notre Dame, këtë simbol të Parisit dhe Francës, por edhe të trashëgimisë kulturore europiane dhe botërore. Uroj sa më pak dëme! Solidaritet me popullin francez!”

Zyrtarët e lartë në Paris janë shprehur se zjarri mund të jetë shkaktuar nga restaurimi që po bëhet në kulmin e kishës.

Projekti i restaurimit kushtoi  6.8 milionë dollarë. Katedralja është një nga shembujt më të mirë të arkitekturës gotike franceze në Evropë dhe një nga ndërtesat më të vizituara në botë.

Notre Dame, që do të thotë ‘Zoja’ , u ndërtua në 1160 dhe përfundoi në vitin 1260./ Opinion.al E.Xh

Pas