Një zjarr i madh ka përfshirë fshatin Cërrilë të Mallakastrës.
Sipas raportimeve, flakët kanë shkrumbuar mbi 20 hektarë pyll me pisha, mbi 1 mijë rrënjë ullinj, dy banesa të pabanuara, një banesë të banuar, si dhe dy stalla bagëtish.
Drejtori i Përgjithshëm i Agjencisë Kombëtare të mbrojtjes civile, Haki Çako ka zbritur në terren për të monitoruar nga afër situatën dhe bëri me dije se nëse do të jetë e nevojshme, do të ndërmerren masa për evakuimin e banorëve të zonës.
Ardhja e helikopterit ka ulur intensitetin e zjarrit, por është era ajo qe ndez vatra te reja.
Ndërkohë ,sipas përgjegjësit të shërbimit zjarrfikës, Beso Enveri, terreni ka qenë i vështirë dhe jo vetëm zjarrfikësit, por edhe banorë të zonës kanë punuar me mjete rrethanore për fikjen e zjarrit.
Aksioni për shuarjen e flakëve vijon akoma si nga toka ashtu edhe nga ajri.
