Zjarrfikësit janë duke vazhduar punën për shuarjen e flakëve të zjarrit në Malin Shpirag në Berat.
50 trupa të Forcave të Armatosura, 5 mjete dhe helikopteri Cougar vijojnë angazhimin prej natës së mbrëmshme kur zjarri mori përmasa të mëdha.
Lajmin e ka bërë të ditur ministri i mbrojtjes Niko Peleshi, i cili përmes një postimi në rrjete sociale shkruan se zjarret janë përhapur me shpejtësi për shkak të erërave dhe temperaturave të larta
Ai thotë se puna nga terreni e ajri vazhdon për të vënë në kontroll përhapjen e flakëve.
Ndër te tjera Peleshi thekson se situata është e vështirë për shkak të terrenit, por operacioni i Forcave të Armatosura do të vazhdojë me intensitet për të eleminuar plotësisht çdo vatër.
“50 trupa të FA, 5 mjete dhe helikopteri Cougar vijojnë angazhimin prej natës së mbrëmshme në shuarjen e flakëve në malin Shpirag të Beratit, ku zjarri mori përmasa të mëdha.
Puna nga terreni e ajri vazhdon për të vënë në kontroll përhapjen e flakëve të cilat u favorizuan nga era dhe temperaturat e larta.
Situata është e vështirë për shkak të terrenit por operacioni i Forcave të Armatosura do të vazhdojë me intensitet për të eleminuar plotësisht çdo vatër.
Do bëjmë të pamundurën për të ruajtur pasurinë tonë kombëtare!”, shkruan Peleshi./Opinion.al
