Drejtori i Përgjithshëm Zjarrfikës, Arben Ceka, ka dhënë detaje mbrëmjen e sotme për zjarrin në Llogara.
Në një prononcim për mediat, Ceka tha se flakët janë vënë në kontroll dhe zona përreth nuk rrezikohet. Drejtori Arben Ceka gjithashtu u shpreh se është një zjarr vënie e qëllimshme dhe se do vendosen para ligjit autorët e zjarr vënies në Llogara.
“Kemi pasur dy vatra zjarri paralele një në Dhërmi dhe një në Llogara, fatmirësisht vatrat e zjarrit afër Llogarasë dhe i kemi mbyllur në një kohë shumë të shpejtë. Kjo pasi vendosëm në lëvizje të gjitha strukturat e ndërhymë nga ajri me helikopterë. Rreth 40 forca zjarrfikëse jemi vendosur në qafën e Llogarasë pasi era po favorizon vatrat e zjarrit. Situata është në kontroll dhe nuk rrezikohet Parku Kombëtar i Llogarasë”, u shpreh ai.
