Një zjarr i përmasave të mëdha shkrumboi tregun e madh industrial e ushqimor në qytetin e Laçit në prag të festave. Dëmet materiale janë shumë të mëdha. Tregtarët kanë humbur me miliona lekë, mall.
Tregtarët tregojnë se ishin kërcënuar nga një person dhe madje kishin bërë dhe denoncim në polici, por kjo e fundit nuk kishte ndërmarrë asnjë veprim. Ata thonë se zjarri ka qenë i qëllimshëm.
“Zjarri është i qëllimshëm, e di shteti. Ka një muaj që paralajmëron do t’ju vras, do t’ju djeg. Ne nuk kemi pasur asnjë konflikt, por vetë ata vëllezërit pronarë me njëri-tjetrin. Kërkoj nga shteti të na ndihmojë, nuk kemi me çfarë të ushqejmë fëmijët. Ne erdhëm me hap mallin dhe pamë zjarrin”, shprehen tregtaret.
Ndërsa lidhur me dëmin ata thonë se dikush ka patur 7 milionë lekë mall dhe të tjerë deri në 15 milionë lekë.
