Një zjarr i madh përfshiu zonën e Krrabës përpara dy ditësh, ku si pasojë u dogjën 15 hektarë pyje. Zjarri vijon prej tre ditësh, ndërsa ditën e sotme policia ka vënë në pranga autorët. Mësohet se të arrestuar janë Armand Ukaj, 22 vjeç, Oltjan Deda 26 vjeç si edhe G.P 17 vjeç, të gjithë banues në Krrabë. Mësohet se tre të arrestuarit kishin hapur gropa në tunel për të bërë qymyr.
Njoftimi i Policisë
Finalizohet operacioni policor i koduar “KRRABA”. Arrestohen 3 shtetas, autorë të zjarrit mbi tunelin e Krrabës.Më datë 08.08.2017, shërbimet e policisë të Komisariatit Nr.1, pas një pune intesive hetimore disa ditore, bënë të mundur dokumentimin me prova ligjore të autorësisë së zjarrit të rënë mbi tunelin e Krrabës.
Si rezultat i punës policore u bë e mundur arrestimi i shtetasve :
– Armand Ukaj, 22 vjeç, banues në fshatin Krrabë.
– Oltjan Deda, 26 vjeç, banues në fshatin, Krrabë.
– G.P, 17 vjeç, banues në fshatin Krrabë .
Arrestimi i këtyre shtetasve u bë pasi, këta shtetas më datë 06.08.2017, mbi tunelin e Krrabës, kishin hapur disa gropa për të bërë qymyr, ku për pasojë është përhapur zjarri në pyll, i cili vazhdon prej 3 ditësh dhe janë djegur mbi 15 hektar pyje (lisa, mare, dushk).
Shërbimet e policisë vazhdojnë punën në bashkëpunim me Emergjencat Civile, PMNSZH dhe forcat e Armatosura për fikjen e zjarrit.
Materialet u referuan në Prokurorinë e Rrethit Gjyqësor Tiranë, në ngarkim të shtetasve të lartpërmendur, për veprën penale ” Shkatërrim me zjarr i pyjeve dhe i mjedisit pyjor”, parashikuar nga neni 206/b dhe 25 i Kodit Penal.
