Aktualitet

Zjarri në ishullin e Sazanit, Çako: I gjithë shteti është në këmbë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:38 - 06/06/22 |
Opi Nion

Kreu i Emergjencave Civile, Haki Çako ka dhënë informacion lidhur me situatën e shkaktuar nga zjarri në ishullin e Sazanit.

Gjatë një bisede telefonike në “News 24”, Çako shprehet se të gjitha strukturat ndodhen në terren dhe po punojnë për të vënë flakët nën kontroll.

Kreu i Emergjencave Civile thotë se terreni vështirëson punën e strukturave, teksa shton se situata po monitorohet edhe nga ajri.

 “Jemi në monitorim nga ajri. Situata është e njëjtë. Zjarri vijon, por është bërë një plan për izolimin e tij në pjesën jugore. Të gjitha forcat zjarrfikëse, të agjencisë së zonave të mbrojtura dhe të Forcave të Armatosura janë në terren. Është një zonë e vështirë për shkak të terrenit. Është i shkëputur dhe ka pak opsione për furnizimin me ujë. Po ndiqet situata hap pas hapi dhe besoj do vendoset nën kontroll. Zjarr mbetet aktiv. Është një zonë në pjesën jugore të ishullit që ka marrë zjarr para disa ditësh. Shkaqet janë duke u hetuar. Është detyrë e jona dhe gjithë strukturave që do vazhdojë të bëhet. Jo çdo zjarr kërkon helikopter, megjithatë jemi duke vlerësuar dhe maksimalizuar të gjitha mundësitë. Mjetet që janë në proces rehabilitimi do jenë shumë shpejt në operacion. Ju siguroj se të gjitha strukturat, kapacitetet dhe i gjithë shteti është në këmbë”,-deklaroi Çako./ Opinion.al

Pas