Prej disa ditësh Shqipëri është duke u përballur me disa vatra të mëdha zjarri në disa qarqe.
Lidhur me situatën e zjarreve, ka reaguar deputeti i zgjedhur i Partisë Demokratike në Vlorë, Arbi Agalliu, i cili ka publikuar në rrjetet sociale pamje nga situata e zjarrit në Gramë.
Krahas videos, Agalliu shkruan se autoritetet kanë neglizhuar vatrën e zjarrit në Gramë jnë anën e pasme të Karaburunit, teksa shton se po rrezikohen bizneset dhe turistët.
“Kjo është situata në Gramë. Sapo kam komunikuar me Policinë Himarë dhe në pritje që roja bregdetare të mbërrijë sa më parë. U bë ditë e ditë që situata neglizhohet dhe nuk merret seriozisht zjarri në anën e pasme të Karaburunit. Jo vetëm pushuesit por edhe bizneset në këtë zonë po rrezikojnë seriozisht.
Duhet patjetër ndërhyrje nga ajri sa më parë”, shkruan Agalliu./ Opinion.al
