Zjarri i rënë në grazhin e një pallati në kryeqytet mëngjesin e të dielës shkaktoi frikë dhe panik te banorët.
Ngjarja ndodhi në zonën e Freskut, ku shtëllungat e tymit nga garazhi kanë mbushur hapësirën e shkallëve mes kateve duket e bërë thuajse të pamundur largimin e banorëve për shkak të asfiksisë që krijonte tymi.
Në këtë situatë policia dhe forcat zjarrëfikëse kanë ndërhyrë për të evakuuar banorët, ku pjesë e të shpëtuarve ishte edhe një foshnje 3-muajshe.
Sikurse duket edhe në foto, zjarrëfikësi, i cili përmes shkallëve të zjarrfikëses ishte ngjitur në katet e larta për të evakuuar banorët merr në krahë foshnjen 3-muajshe.
Pas foshnjës u evakuua dhe nëna, e cila shfaqet me batanijen e gjumit në dorë duke u ribashkuar pas pak minutash në tokë me të birin.
Nga zjarri nuk pati të lënduar, por flakët që fillimisht përfshinë një makinë bënë që të dëmtohen edhe makinat e tjera që ishin të parkuara./Opinion.al
