Zjarri në pyllin me Pisha në Peshtan të Fierit ka dalë jashtë kontrollit duke zbritur në fshatin Kraps, ku janë përfshirë në flakë edhe banesat.
Mësohet se banorët e fshatit kanë bërë thirrje për ndihmë, duke u shprehur se ndihen të rrezikuar për shtëpitë apo bagëtitë e tyre dhe kanë kërkuar edhe ndërhyrje nga ajri.
“Janë djegur dy tre shtëpia deri tani. Nuk shuhet me dorë. Era e ndihmon zjarrin. Duhen mjete nga shteti. Janë shtëpi të banuara. Bagëtitë janë brenda në kasolle. Kërkojmë ndihma sa më shpejt”, tha një nga banorët.
Kjo është dita e tretë që Peshtani po lufton për shuarjen e flakëve, që kanë përfshirë fillimisht pyllin me pisha dhe janë përhapur edhe më gjerë.
Terreni i vështirë dhe e era e ka bërë edhe më të vështirë shuarjen e zjarreve nga forcat zjarrfikëse.
