Policia e Gjirokastrës ka zbuluar autorin e vendosjes së zjarrit në fshatin Frashtan mesditën e djeshme duke rrezikuar banesat.
Uniformat blu bëjnë me dije se në pranga ka rënë shtetasi M. K., 39 vjeç, banues në fshatin Frashtan, Dropull.
Nga zjarri i djeshëm i cili u shua falë ndërhyrjes se PMNZSH u dogjën disa ha kullota dhe rrezikoi djegien e banesave ne Frashtan.
“Si rezultat i veprimeve të shpejta hetimore dhe policore, të kryera menjëherë pas njoftimit se në pyjet e fshatit Frashtan, në vendin e quajtur “Papasima”, kishte rënë zjarr, Policia e Gjirokastrës ka mundësuar identifikimin dhe arrestimin e autorit të dyshuar të zjarrvënies, shtetasit M. K., 39 vjeç, banues në fshatin Frashtan, Dropull”, njofton policia.
Materialet procedurale i kaluan Prokurorisë së Gjirokastrës, për veprime të mëtejshme, për veprën penale “Shkatërrimi me zjarr i pyjeve dhe i mjedisit pyjor”.
