Djegia e një sasie të madhe plastike për shkak të zjarrit të rënë në fabrikën e riciklimit të mbetjeve në Kashar, pranë autostradës Tiranë-Durrës, ka shpërndarë re të zeza tymi në të gjithë zonën dhe një pjese të mirë të kryeqytetit.
Në lidhje me këtë situatë, ka reaguar edhe ish-kryeministri Sali Berisha; i cili shkruan në rrjetin social Facebook se po rrezikohet jeta e mijërave qytetarëve.
Berisha thekson se një re e zezë gjigande tymi toksik, helmues dhe kancerogjen mbulon Tiranën nga djegia e fabrikës së madhe të plastikës në Kashar.
Sipas tij, helmet e djegies së lëndëve plastike dhe solventeve të tyre janë shumë të rrezikshme, toksike dhe kancerogjene.
Postimi i plotë:
Rrezikohet nga gazra helmuese jeta e dhjetra mijra qytetareve!
Te dashur miq, re te zeze gjigande tymi toksik helmues dhe kancerogjen mbulojne Tiranen nga djegia e fabrikes se madhe te plastikes ne Kashar! Helmet e djegies se lendeve plastike dhe solventeve te tyre jane shume te rrezikshme, toksike dhe kancerogjene!
Bashkia dhe qeveria asnje mase, asnje evkuim apo gjendje emergjence civile. Qytetaret e Kasharit dhe Tiranes ne meshire te fatit! sb
